Svak sysselsettingsauke
Det var svak auke i sysselsettinga i fylket frå 4. kvartal 2024 og 4. kvartal 2025. Sysselsettinga steig med 78 sysselsette eller 0,1 prosent i denne perioden. Veksten frå 4. kvartal 2023 til 4. kvartal 2024 var på 0,7 prosent. Frå 4. kvartal 2024 til 4. kvartal 2025 var veksten i sysselsettinga nasjonalt på 0,3 prosent. Veksten er med andre ord låg nasjonalt òg, frå 4. kvartal 2023 til 4. kvartal 2024 var veksten i sysselsettinga nasjonalt på 0,6 prosent. Fire av fylka hadde nedgang i sysselsetting frå 4. kvartal 2024 til 4. kvartal 2025. Størst prosentvis nedgang i sysselsettinga var det i Østfold med -0,4 prosent. Størst prosentvis auke i sysselsettinga var det i Finnmark med 1,1 prosent, tett følgt av Rogaland, som i same periode hadde ein vekst på 1,0 prosent.
Auka sysselsetting i sekundærnæringa
Møre og Romsdal er det fylket som relativt sett hadde størst vekst i sysselsettinga i sekundærnæringa, tett følgt av Vestland. Frå 4. kvartal 2024 til 4. kvartal 2025 vaks sysselsettinga med 1,2 prosent i Møre og Romsdal og 1,1 prosent i Vestland. For Møre og Romsdal var hovudårsaken til veksten i sekundærnæringa den gode sysselsettingsveksten i industrien. I Møre og Romsdal vaks sysselsettinga i industrien med 2,7 prosent frå 4. kvartal 2024 til 4. kvartal 2025. Med mange tilsette bidreg veksten i industrien godt til sysselsettingsveksten i sekundærnæringa. Høgast prosentvis vekst i sysselsetting i fylket var det i næringa offentleg administrasjon, forsvar og sosialforsikring, med ein vekst i perioden på 0,6 prosent.
Det var ein relativ nedgang i sysselsettinga både innanfor undervisning og helse- og sosialtenestene. Frå 4. kvartal 2024 til 4. kvartal 2025 gjekk sysselsettinga ned i fylket med -1,2 prosent i undervisning og –0,9 prosent i helse- og sosialtenestene.
